樓價升係咪一起番居屋就可變持平合理？其實計真啲，居屋補埋地價後絕不算平，而且仲係舊貨、二手貨，折舊率無回折俾買家，清咗貨只係免浪費而已！近日最熱話题由天價變了發水，這現象由來已久，為何不將漏洞盡快修補，讓買家買得更實在些？

你說他以權謀私，他說你無中生有，各執一詞，到底是誰在亂噏？這裡是法治之區，根本不用隔空駡戰，索性告他誹謗就是！

真理只有越辨越明，身正不怕影斜，沒作虧心事，夜半敲門也不驚！

香港市民只求得個明白而己！無財無權，蟻民還能求什么？

亞洲車神果非浪得虛名，又為港爭光，這才是真的香港精神，無負「香港仔」之名，其他同樣自稱的，遜多不知多少了！

胡總誇你，你受得起！

孤獨推銷員果然並非一般領袖，你地班友成日話官府忽視勞工，佢馬上有回應，即刻請多兩位副局大人，呢啲咪叫創造就業職位啰！

其實仲有大把名額可以再請人架！例如副特首、特首助理、副特首助理、副司長、司長助理、副司長助理、副局長助理、副政治助理、政治助理助理......，講都講唔哂！

人多勢眾，班費仲勁過皇馬同車仔，個個打工皇帝待遇，你地仲有聲出？

車牌可自訂，不如索性連樓層號都可自訂啦！

任嗡之嘛！由地下起，之後得番三同八，最高去到88888888樓，八條八，每尺賣888888。

有人買咪得囉！以後話俾人知你住在八千幾萬樓，幾威先？抵啦！

槍杆子勝過一切，爭薪又勝一仗，醫者父母心，唯有日日做到無停手，唔怕入錯行，以為太子爺、太子妃都係御醫，呢仗一定赢，點知凡事都有例外，果真是無利益輸送啊!

阿爸！你清白啦！

校園驗毒，充份体現了官府的缷膊精神，既然肯定了吸毒是不對的，那就乾脆來個全体強制驗毒，上下學期各一次，証實有毒癮的立即移送戒毒，清白的則真金不怕紅爐火，何須攪到現在的又這樣又那樣，將責任推來推去。

如此這般，再大叫多三億聲抗毒、抗毒、抗毒，也是除褲放屁，做騷俾人睇咩！