昨天看一個訪問倪匡的節目，雖然他常說自己創作的配額已用盡，但無可否認，思路仍是那么快捷精晰，每一句說話，每一個觀點都值得大家深思，甚至學習。
倪先生和蔡瀾、已故的黃霑三位堪稱本地的真才子，學識、見識均超於常人，也許他們差不多見盡和享盡人生，對名利生死早已看淡，昨天他更說安樂死是願！
談到死，今天一則新聞報導，本地一位數學名師中風猝死，慨然將器官捐出，拯救數人。生前作育英材，死後遺愛人間，高風亮節，莫過於此！
學生仔上堂不幸被球擊傷送院，無身份証傍身致延誤診治，好彩傷勢不重，沒釀至失明，否則小朋友下半生可能就此毀掉！
官台合約工，做咗廿狗幾年仍然身份不變，猝然去世，半分賠償亦無，柴狗哥話頭，人生有幾個十年，苦命工人服務多年，無功勞都有苦勞吧！各位本地勞工權益大佬，係咪都應該幫幫忙，同佢向「孤獨推銷員 」揮番多少呢！
「一單都嫌多」其實唔單止係工業意外，無能政府的失誤都一樣係架！咪以為講一句例如：「今次係個別事件」、「我地會嚴肅處理」、「我地會跟進」、「我地會檢討機制」，諸如此類的廢話就可以推得一乾二淨，氣球充氣後終有一天爆，到時炸到粉身碎骨就真係太遲啦！
